Nyecep Banyu Panguripan - Antologi Crita Cekak

anyu. Kabeh kang urip ing bumi iki butuh banyu. Ora ana sing bakal selak menawa banyu kuwi pancen penting kanggo uripe manungsa lan kabeh sing urip ing bumi iki. Kejaba kuwi, malah perangan gedhe saka raganing manungsa uga wujud banyu, kepara nganti 80 persen. Mula saka iku, perkara banyu pancen bisa nuwuhake prastawa lan crita werna-werna kaya dene pati uripe manungsa. Ana ing karang pradesan kang butuh banyu saliyane kanggo panguripan, uga kanggo tetanen. Mula saka kuwi tuwuh sawatara crita bab regejegan amarga rebutan banyu sing tundhone bisa njalari gendra lan dredah sing ora bisa diendhani. Dene ing masarakat modheren, banyu uga duwe perkara sing werna-werna lan ora mung banyu wantah, nanging uga luh, getih, lan sapiturute. Maca crita-crita ing buku iki bakal ngejak panjenengan mbukak pikiran supaya ora mbiji kanthi wantah perkara regejegan banyu utawa papan prastawane dumadi. Panjenengan uga bakal diajak ngulandara tekan papan-papan adoh sing duwe crita werna-werna kanggo miyak donyaning crita kang pancen ora ana tapal watese.